Sarveshwar Gaudham Trust - Gaushala Kobadi-Bhavnagar

ગૌશાળાની

અમને જાણો

ઈતિહાસ પુનઃપ્રાપ્ત કરવાનો પ્રયાસ

સર્વેશ્વર ગૌધામ ટ્રસ્ટ - ગૌશાળા કોબડી ભારતની દેશી ગાયોની સૌથી મોટી ગૌરક્ષાશાળાઓમાંની એક છે. અમે બીમાર, ભૂખે મરતી, નિરાધાર અને રખડતી દેશી ગાયો અને બળદોનું રક્ષણ કરીએ છીએ, ખવડાવીએ છીએ અને આશ્રય આપીએ છીએ, જેમાંથી મોટાભાગની ગાયો અને બળદને તેમના માલિકોએ ત્યજી દીધી છે અથવા કસાઈઓથી બચાવી છે. આ ગૌવંશમાંથી મોટા ભાગના દૂધ વેરાન છે. આ ગાયોને કપરી પરિસ્થિતિમાંથી અમારી ગૌશાળામાં લાવવામાં આવે છે. આ બધી ગાયોને ખવડાવવામાં આવે છે, આશ્રય આપવામાં આવે છે અને સેંકડો ગૌસેવકો દ્વારા તેમની દેખભાળ કરવામાં આવે છે જેઓ ચોવીસ કલાક કામ કરે છે.

શ્રી સર્વેશ્વર ગૌધામ કોબડી ની સ્થાપના કારતક સુદ બારસ (12) એડી 2069 ના શુભ દિવસે કરવામાં આવી છે. આ ગૌશાળાની શરૂઆત કોબડી ગામ અને આસપાસના ગામોના ગ્રામજનોના સહકારથી પૂજ્ય શ્રી જયદેવશરણજી મહારાજ દ્વારા બળદોની સેવા કરવાની ભાવનાથી કરવામાં આવી હતી. નીલકંઠ મહાદેવના સાનિધ્યમાં ભગવાન શિવના વાહનો છે અને ગાયો જેમાં 33 કરોડ દેવતાઓનો વાસ છે.

બળદ વિભાગ

શ્રી સર્વેશ્વર ગૌધામમાં ૧૩૦૦ થી વધુ લાચાર વૃધ્ધ બળદોની સંભાળ રાખવામાં આવે છે. રોડ રસ્તા પર રખડતા અથવા પોતાના માલિક દ્વારા તરછોડી દેવાયેલા બળદોને આ ગૌશાળા જીવનભર આશ્રય આપે છે આ ગૌશાળામાં આવા બળદો માટે ચાર વિશાળ વોર્ડ છે જયાં તેઓ મુક્ત પણે હરીફરી શકે છે તથા ખોરાક લઈ શકે છે.

અંધ ગૌમાતા વિભાગ

જે ગૌમાતા જન્મથી અંધ છે તથા બીજી કોઈ પ્રકારે દ્રષ્ટિહિન છે એવી ગૌમાતાઓને આ ગૌશાળા આશ્રય આપી સેવા કરે છે. આ બધી અંધ ગૌમાતાઓને ખીલ્લે જ બાંધી રાખવી પડે છે કારણ કે દ્રષ્ટિહિન હોવાથી આમ તેમ અથડાય ન જાય તે માટે તેમની ખુબ વિશિષ્ટ રૂપે સાર સંભાળ રાખવામાં આવે છે. આવી ગાયો માટે એક સ્પેશ્યલ વોર્ડ છે, જેમાં ખાસ ઓટોમેટીક પાણી પાણી પુરવઠાની સુવિધા છે જે તેમના જીવનને વધુ અનુકુળ બનાવે છે.

અપંગ ગૌમાતા વિભાગ

આ ગૌશાળામાં ૨૦૦ થી વધુ એવી ગાયો છે જે કાં તો જન્મથી અથવા કોઈ અકસ્માતને કારણે અપંગ બની ગઈ હોય. જે ગૌમાતાને સ્વાર્થી માણસો રોડ રસ્તા પર રખડતા, ભટકતાં છોડી દે છે આવી ગૌમાતાઓ રોડ એક્સિડેન્ટથી વિકલાંગ બને છે. આવી ઘાયલ થયેલી ગૌમાતાઓને આ ગૌધામમાં લાવી ઓપરેશન કરવામાં આવે છે તથા તેમને વિશિષ્ટ સાર સંભાળ માટે અલગ વ્યવસ્થા કરી સાચવવામાં આવે છે.

બિમાર ગૌમાતા વિભાગ

શ્રી સર્વેશ્વર ગૌધામમાં બિમાર ગૌમાતાઓ માટે અલગથી એક ખંડનું નિર્માણ કરવામાં આવ્યુ છે. જે ગૌમાતાઓ રોડ એક્સિડેન્ટ થયેલી તથા અન્ય રીતે બિમાર ગૌમાતાઓને આ ખંડમાં સાચવવામાં આવે છે. જયાં તબીબી સારવાર કરી વેકસીનેશન આપવામાં આવે છે. તેમજ વિશિષ્ટ ઘાસચારો, દવાયુકત ખોરાક અને ખાણ આપવામાં આવે છે. ગૌધામમાં રહેલા અન્ય ગૌમાતાઓ, ગૌવંશ અને બળદો બિમાર થતા તબીબી સારવાર માટે આ ખંડમાં લાવવામાં આવે છે.

ઓપરેશન થીયેટર

શ્રી સર્વેશ્વર ગૌધામનાં સ્પેશિયલ ઓપરેશન થીયેટર વિભાગમાં ચાર ડૉકટરોની ટીમ ૨૪ કલાક ફરજ પર છે. આ ડૉકટરો કોઈ પણ ઈમરજન્સીનો સામનો કરવા માટે તાલીમબધ્ધ છે. આ ટીમ ગૌશાળામાં આવતા બળદ તથા ગાયની સંપૂર્ણ સંભાળ પૂરી પાડવા માટે સમર્પિત છે. નિયમીત તમાસથી લઈને જટિલ શસ્ત્રક્રિયાઓ સુધી, અમે સુનિશ્વિત કરીએ છીએ કે દરેક ગાય અને બળદની અત્યંત કાળજી અને કરૂણા સાથે સારવાર કરવામાં આવે. આ ગૌવંશ માટે તૈયાર કરવામાં આવેલ દવાઓનો વ્યાપક જથ્થો ગૌશાળાના દવા કક્ષમાં ઉપલબ્ધ છે.

માં વિનાના વાછરડા વિભાગ

શ્રી સર્વેશ્વર ગૌધામમાં માં વિનાના વાછરડા માટે અલગથી ૨ વિશાળ વોર્ડનું નિર્માણ કરવામાં આવ્યું છે, જેથી તેમને હરવા ફરવા તથા રમવા માટે પૂર્તિ જગ્યા મળી રહે. વાછારડાઓને તેમની માતા વિના ઉછેરવા હંમેશા સરળ નથી, અમે ૨૪ કલાક તેમની સંભાળ રાખીએ છીએ, તેમને ખાસ દુધ પીવડાવીએ છીએ અને ખાતરી કરીએ છીએ કે તેઓને જરૂરી તમામ પ્રેમ મળે. જયાં ૧૨૦૦ થી વધારે ગૌમાતાઓની સેવા થાય છે એવા આ ગૌધામમાં અત્યાર સુધીમાં ૧૫૦૦ થી વધારે માં વગરના વાછરડાંઓનો ઉછેર કર્યો છે.